ای گیتا اور مودی کی تصویر خلا میں روانہ
چینائی : ہندوستان کے پولار سٹیلا ئٹ لانچ وہیکل
(PSLV)
کے توسط سے 19 سیٹلائٹس خلا میں بھیجے گئے ۔ہندوستانی راکٹ
PSLV-C51
کو آندھراپردیش کے شری ہری کوٹا میں واقع ستیش دھون اسپیس سنٹر سے اتوار کے روز 10.24 منٹ پر لانچ پیڈ کے ذریعے لانچ کیا گیا۔ ان مصنوعی سیاروں میں چنائی کے ایس کے آئی کے ستیش دھون ایس ٹی بھی شامل ہیں۔ وزیر اعظم نریندر مودی کی تصویر اس خلائی جہاز کے ٹاپ پینل پر لگائی گئی ہے۔ایس کے آئی کے مطابق ایک ایس ڈی کارڈ میں ’سیو‘ بھگوت گیتا‘ بھی بھیجا گیا ہے۔ اس راکٹ کے ذریعے 637 کلوگرام برازیلین سیٹلائٹ ایمیزونیا 1 کو کامیابی کے ساتھ مدار میں رکھا گیا۔ اس کے علاوہ 18 دیگر سیٹلائٹ بھی خلا میں بھیجے گئے۔ ان میں سے 13 کا تعلق امریکہ سے ہے۔2021 میں ہندوستان کا پہلا خلائی مشن
PSLV
راکٹ کے لئے کافی لمبا تھا ، کیونکہ اس کی پرواز کا وقت 1 گھنٹہ 55 منٹ اور 7 سیکنڈ تھا۔ اتوار کی صبح راکٹ کے لانچنگ کے ساتھ ہی ہندوستان کی جانب سے لانچ کیے گئے غیر ملکی سیٹلائٹ کی کل تعداد بڑھ کر 342 ہوگئی ہے۔اسرو کے مطابق ایمیزونیا 1 کے مصنوعی سیارہ کی مدد سے ایمیزون خطے اور برازیل میں زرعی شعبے میں جنگلات کی کٹائی سے متعلق علیحدہ تجزیوں کیلئے صارفین کو ریموٹ سینسنگ ڈیٹا فراہم کرنے سے موجودہ ڈھانچے کو مزید تقویت ملے گی۔