ایڈیلیڈ ۔ 25 اکتوبر (سیاست ڈاٹ کام) اسٹیو اسمتھ اور ڈیوڈ وارنر سری لنکا کے خلاف تین مقابلوں کی ٹی 20 سیریز کے پہلے میچ میں جوکہ اتوارکو کھیلا جائے گا ٹیم کا حصہ ہوں گے اور یہ دونوں اگلے سال ہونے والے ٹوئنٹی 20 ورلڈ کپ میں شرکت کیلئے راہ ہموار کرلی ہے۔ اسٹار کھلاڑیوں پر بال ٹیمپرنگ اسکینڈل میں ایک سال کے لئے پابندی عائد تھی لیکن وہ اپنے ملک کے ٹسٹ ، ونڈے اور اب ٹی ٹونٹی ٹیموں میں دوبارہ شامل ہوگئے ہیں۔ دیگر فارمیٹس میں کامیابی کے باوجود ، آسٹریلیائی ٹیم نے کبھی بھی ٹی 20 ورلڈ کپ نہیں جیتا ، جس میں 2010 کا آخری مظاہرہ ان کا عمدہ مظاہرہ تھا۔ سری لنکا کے خلاف سیریز کیلئے منتخب ٹیم کا پر اظہار خیال کرتے ہوئے کہا ہم نے جو اسکواڈ منتخب کیا ہے وہ کافی حد تک مضبوط ہے اورہمیں یقین ہے کہ اس سے میچ کے ورلڈ کپ کی ٹیم تیاری کرنے میں مدد ملے گی۔ ایرون فنچ کی کپتانی برقرار رکھی گئی ہے، جبکہ گذشتہ سال جنوبی افریقہ میں سینڈ پیپر سے گیند کو تبدیل کرنے کی کوشش کرنے پر اسمتھ پر مارچ کے آخر تک کسی بھی ٹیم کی قیادت پر پابندی عائد ہے۔ وارنر ایشز سیریز کے پانچ ٹسٹ مقابلوں میں ناکام ہوئے لیکن وہ آسٹریلیا کا اب تک کا سب سے زیادہ ٹی ٹونٹی رنز بنانے والا کھلاڑی ہیں اوروہ فنچ کے ساتھ اننگز کا آغاز کریں گے۔ پیٹ کمنس اور مچل اسٹارک بولنگ شعبے کے اہم ستون ہیں ان کے ساتھ حمایت انڈریو ٹائی،کین رچرڈسن اور بلی اسٹینلاک موجود ہیں۔ رواں ماہ کے شروع میں پاکستان کے خلاف تین ٹی ٹونٹی میچوں کی شاندار کامیابی کے بعد سری لنکا کے اعتماد سے بھری ٹیم آسٹریلیا میں بہتر مظاہرے کیلئے پرعزم ہے۔سیریز کا افتتاحی میچ اتوارکو ایڈیلیڈ اوول میں ہے جبکہ دوسرا مقابلہ یکم نومبر کو میلبورن میں ہونے والے آخری مقابلے سے تین دن پہلے برسبین میں ہے۔
آسٹریلیائی اسکواڈ: آرون فنچ (کپتان) ، اشٹن اگر ، الیکس کیری ، پیٹ کمنز ، گلین میکسویل ، بین مکڈرموٹ ، کین رچرڈسن ، اسٹیو اسمتھ ، بلی اسٹینلاک ، مچل اسٹارک ، ایشٹن ٹرنر ، اینڈریو ٹائی ، ڈیوڈ وارنر ، ایڈم زیمپا۔
سری لنکائی ٹیم: لسیتھ ملنگا (کپتان ) ،کوسال پریرا،کوسال مینڈس ، ڈونوشکا گناتیلکا ، اویشکا فرنینڈو ، نیروشان ڈیکویلا ، داسن شاناکا ، شیہن جیسوریا ، بھنوکا راجپاکسہ ، اوشاڈا فرنینڈو ، وانندو ہسرانگا ، لکوان سندھا ، لہون پریوڈرا اڈانا اور کسون راجیتھا۔
