لندن ۔13 ستمبر (سیاست ڈاٹ کام ) ٹسٹ کرکٹ میں اسمتھ کے پاس عظیم کھلاڑی سر ڈان بریڈمین کے 89 سالہ ریکارڈ کو توڑنے کا موقع ہے تاہم انہیں ٹرپل سنچری کا اسکور درکار ہے۔ پانچویں ٹسٹ میںا سمتھ ایشز سیریز2019 میں اسٹیو سمتھ نے اپنی بہترین کارکردگی کی بدولت ٹیم کو کامیابی دلوائی ہے۔ ایشز سیریز کے ابتدائی چار ٹسٹ میچوں میں سے تین میں اسمتھ کھیلے ہیں اور انہوں نے تین سنچری اور دو نصف سنچری کی مدد سے 671 رنز بنا ئے ہیں۔گردن میں چوٹ کی وجہ سے سیریز کے تیسرے ٹسٹ میں اسمتھ نہیں کھیل پائے تھے۔سیریز کا پانچواں اور آخری ٹسٹ اوول میں کھیلا جارہا ہے ۔اس ٹسٹ میں اسمتھ کے پاس عظیم کھلاڑی ڈان بریڈمین کے 89 سالہ ریکارڈ کو توڑنے کا موقع ہے لیکن کام اتنا آسان نہیں ہے۔پانچویں ٹسٹ میںا سمتھ اگر 304 رنز بنانے میں کامیاب رہے تو وہ کسی ایک ایشز سیریز میں سرڈان بریڈمین کے سب سے زیادہ974 رنزکے ریکارڈ کو پیچھے چھوڑ دیں گے۔دراصل کسی ایک ایشز سیریز میں سب سے زیادہ رن بنانے کا ریکارڈ اس وقت سر ڈان بریڈمین کے نام پر ہے۔انہوں نے 1930 میں ہوئی پانچ ٹسٹ میچوں کی سیریز میں 974 رنز بنائے تھے، اس میں چار سنچری شامل تھی۔ اس سیریز میں بریڈمین کا بلے سے اس قدر غلبہ رہا تھا کہ انہوں نے ایک ٹرپل سنچری، دو ڈبل سنچریاں اور ایک سنچری بنائی تھی۔دوسری جانب استمھ رواں سیریز میں 2 سنچریاں اور ایک ڈبل سنچری بنا چکے ہیں اور اب ٹرپل سنچری کا انتظار دنیائے کرکٹ کو ہورہا ہے۔
