ممبئی: غیر ملکی بازاروں میں تیزی کے دوران توانائی ، تیل اور گیس اور بینکاری کے شعبوں میں زبردست خریداری کی پاداش میں منگل کے روز بی ایس ای کے 30 شیئروں والا حساس اشاریہ سینسیکس 511.34 پوائنٹس یعنی 1.37فیصد بڑھکر 37,930.33 پوائنٹ پر اورنیشنل اسٹاک ایکسچینج کا نفٹی 140.05 پوائنٹس یا 1.27 فیصد اضافے کے ساتھ 11,162.25پر پوائنٹس پر بند ہوا۔بازار میں آج شروعات سے ہی تیزی رہی ۔پاور گرڈ،ماروتی ،آئی سی آئی سی آئی بینک اور ایچ ڈی ایف سی کے شیئروں کے دام میں چار فیصد سے زیادہ کی بڑھت رہی۔پاور گرڈ کے شیئروں کی قیمت چھ فیصد سے زیادہ اچھل گئی۔غیر ملکی بازاروں کے مثبت رخ کا اثر بھی بازار پر رہا۔بازار ماہرین کے مطابق کورونا وائرس کوویڈ -19 کے ویکسن کے جلد ہی بنائے جانے کی امید سے بازار کو مضبوطی ملی ہے ۔سینسیکس آج بھارتی بڑھت کے ساتھ 37,823.61 پوائنٹس پر کھلا۔کاروبار کے د وران یہ 37,990.55 پوائنٹس کے دن کی سب سے اونچی اور 37,742.05 پوائنٹ کے دن کی نچلی سطح سے ہوتا ہوا گزشتہ روز کے مقابلے میں 1.37 فیصد کی تیزی بناتا ہوا 37,930.33 پوائنٹ پر بند ہوا۔سینسیکس کی 30 میں سے 18 کمپنیاں ہرے نشان میں اور باقی 12 لا نشان میں رہیں۔بی ایس ای میں آج کُل 2,840 کمپنیوں کے شیئروں میں کاروبار ہوا جن میں سے 1,441 میں تیزی اور 1,246 میں کمی رہی جبکہ 162 کمپنیوں کے شیئروں کے دام غیر تبدیل شدہ رہے ۔نفٹی بھی بڑھت بناتا ہوا 11,126.10 پوائنٹ پر کھلا۔کاروبار کے دوران 11,179.55 پوائنٹ کے روز کی سب سے اونچی سطح اور 11,113.25 پوائنٹ کے روز کی سب سے نچلی سطح سے ہوتا ہوا گزشتہ روز کے مقابلے میں 1.27 فیصد کی تیزی میں 11,162. 25 پوائنٹ پر بند ہوا۔این ایس ای کی 50 میں سے 32 کمپنیاں تیزی میں اور 18 لال نشان میں رہیں۔ایشیا میں چین کا شنگھائی کمپوزٹ 0.20 فیصد اور جاپان کا نکی 0.73 فیصد،جنوبی کوریا کے کوسپی میں 1.39 فیصد اور ہانگ کانگ میں 2.31 فیصد کی سبقت رہی۔یورپ میں شروعاتی کاروبار میں جرمنی کا ڈیکس 1.75 فیصد اور برطانیہ کا ایف ٹی ایس ای 0.58 فیصد چڑھ گیا۔
