ورجینیا: جب قدرت مہربان ہوتی ہے تو ایسا ہی ہوتا ہے۔ ایک امریکی شخص اپنے بچوں کیلئے چاکلیٹ اور دودھ لینے ایک چھوٹے اسٹور میں گیا اور واپس آیا تو وہ دس لاکھ ڈالر جیت چکا تھا۔نارتھ چیسٹر فیلڈ کے ڈینس وِلوبی چاکلیٹ اور دودھ لیکر اسٹور سے باہر آرہے تھے کہ انہوں نے ایک اسکریچ لاٹری کارڈ خریدا۔ انہوں نے کارڈ کو وہیں کریدا اور نمبر ملائے تو وہ پلاٹینم لاٹری جیت چکے تھے۔ واضح رہیکہ پلاٹینم انعام سب سے بڑا ہوتا ہے۔ ورجینیا لاٹری کے ترجمان کے مطابق ڈینس نے یہ ٹکٹ سیون الیون نامی اسٹور سے خریدا تھا یعنی وہ چاکلیٹ لینے گئے تھے اور کروڑ پتی بن کر واپس آئے۔ واضح رہیکہ اس ماہ لاٹری کے 16 لاکھ سے زائد ٹکٹ فروخت ہوئے اور اس طرح کسی شخص کے پلاٹینم انعام جیتنے کا امکان بہت ہی کم ہوتا ہے۔
