میڈرڈ۔26 مئی ۔( سیاست ڈاٹ کام ) حکومت نے دارالحکومت میڈرڈ اور بارسلونا میں لاک ڈاؤن میں دی گئی نرمی کے بعد غیر ملکی سیاحوں کیلئے ملک کو دوبارہ جلد کھولنے کے اشارے دیے ہیں۔ میڈیا کے مطابق اسپین کے وزیر سیاحت ریئیس مروتو نے پیر کو کہا کہ حکومت غیر ملکی سیاحوں کو جولائی سے ملک میں چھٹیوں کی بکنگ کرنے کی اجازت دے سکتی ہے کیونکہ تب تک 14 دن کے لازمی قرنطینہ ہٹا دیا جائے گا۔ان کے اس بیان کا اسٹاک مارکیٹ میں بھی اثر ہوا اور ’میلیا ہوٹل‘ نے ابتدائی کاروبار میں 14 فیصد کا اضافہ درج کیا۔اسپین کورونا وائرس سے متاثر ٹاپ ممالک کی فہرست میں شامل ہے ۔اسپین سیاحوں کا دوسرا سب سے پسندیدہ ملک ہے اور یہاں ہر سال تقریبا آٹھ کروڑ سیاحوں آتے ہیں۔
