شری گنگا نگر: راجستھان میں چرو ضلع کے رتن گڑھ تھانہ علاقے میں رتناسر میں ایک پرائیویٹ اسکول میں 10 سال بچے کی اچانک طبیعت بگڑنے سے موت ہوگئی۔ طالب علم کے گھروالوں نے اسکول ڈائریکٹر پر قتل کرنے کا معاملہ درج کرایا ہے ۔پولیس نے بتایا کہ معاملہ درج کرکے جانچ شروع کردی گئی ہے ۔متوفی بچہ ہرشانت راجپوت (10) کھوڈیرا بداون کا رہنے والا تھا اور اس کی نعش کا آج میڈیکل بورڈ سے پوسٹ مارٹم کرایا گیا ہے ۔ متوفی بچے کے تایا ایشور سنگھ راجپوت کے ذریعہ دی گئی رپورٹ کی بنیاد پر رتناسر میں شیام بال نکیتن اسکول کے بانی ڈائریکٹر رام ناتھ گودارا اور دو تین دیگر افراد پر دفعہ 302 میں قتل کا معاملہ درج کیا گیا ہے۔