قاہرہ : مصر میں اسکول پرنسپل نے اپنی طالبات کو تشدد کا بنا ڈالا جس کی ویڈیو وائرل ہونے پر غم و غصہ کی لہر دوڑ گئی۔ ایک اسکول کے پرنسپل کی جانب سے سکول کے صحن میں طالبات کو لاتیں مار کر حملہ کرنے کی ویڈیو گردش کرنے کے بعد، مصری حکام نے معاملہ میں مداخلت کی۔ سکول کے پرنسپل کو معطل کرکے واقعہ کی تحقیقات شروع کردی گئی ہیں۔سوشل میڈیا کے علمبرداروں نے کفر مستناد ٹیکنیکل سیکنڈری سکول فار گرلز کے ڈائریکٹر کی ملک کے شمال میں البحیرہ گورنریٹ میں شبراخیت ایجوکیشنل ایڈمنسٹریشن کی ایک ویڈیو پھیلائی۔سکول میں سیکنڈری سکول کے پہلے سال کی دو طالبات پر حملہ کیا گیا اور انہیں لاتیں ماری گئیں۔ اس ویڈیو کے بعد بڑے پیمانے پر غصہ پیدا ہوا اور سکول کے ڈائریکٹر کو ہٹانے کا مطالبہ کیا گیا۔فوری طور پرالبحیرہ کی گورنر ڈاکٹر جیکولین آزر نے ڈائریکٹوریٹ آف ایجوکیشن اور شبراخیت کی تعلیمی انتظامیہ کو ہدایت کی کہ وہ ڈائریکٹر کو خارج کر دیں اور واقعہ کی فوری تحقیقات شروع کریں۔ اس تناظر میں ایڈمنسٹریٹو پراسیکیوشن اتھارٹی کے سربراہ کونسلر عبدالراضی صدیق نے واقعہ کی تحقیقات شروع کرنے کا فیصلہ جاری کردیا۔
