واشنگٹن : امریکی صدارتی انتخابات کے اب تک موصول ہونے والے نتائج کے مطابق ڈیموکریٹک امیدوار جوبائیڈن کو امریکی صدر ڈونالڈ ٹرمپ پر ناقابل شکست برتری حاصل ہے لیکن اس کے باوجود ٹرمپ کو امید ہے کہ وہ الیکشن جیت جائیں گے۔امریکی صدر ڈونالڈ ٹرمپ نے سوشل میڈیا پر جاری اپنے بیان میں کہا ہے کہ ‘ہم بہت تیزی سے آگے بڑھ رہے ہیں، انتخابات کے نتائج اگلے ہفتے آنا شروع ہوں گے’۔ڈونالڈ ٹرمپ کا کہنا تھا کہ ‘ہم انتخابات جیتیں گے اور امریکا کو دوبارہ عظیم بنائیں گے’۔امریکی وزیر خارجہ مائیک پومپیو نے بھی کہا ہے کہ اقتدار کی منتقلی ہموار انداز میں ہو گی لیکن یہ ٹرمپ کی دوسری انتظامیہ کے لیے ہی ہو گی۔
