حیدرآباد 24اپریل (یواین آئی) محکمہ موسمیات نے کہا کہ آئندہ 24گھنٹوں کے دوران تلنگانہ کے بعض اضلاع میں گرج وچمک کے ساتھ بارش کاامکان ہے اور 30 تا 40کیلومیٹر فی گھنٹہ کی رفتار سے طوفانی ہوائیں چلیں گی۔ اپنے بلیٹن میں اس نے کہا کہ 25اور26اپریل کو ریاست کے چند اضلاع میں بارش کا امکان ہے ۔آئندہ پانچ دنوں کے دوران تلنگانہ میں بعض مقامات پر ہلکی تا اوسط یا پھر گرج وچمک کے ساتھ بارش ہوگی۔میڈیا کے مطابق تلنگانہ میں گذشتہ 24گھنٹوں کے دوران نظام آباد ضلع میں بعض مقامات پر بارش ہوئی ۔ اعظم ترین درجہ حرارت 41.8ڈگری سلسیس عادل آباد ضلع میں درج کیاگیا۔
