ممبئی ۔ سنگھ ازکنگ کے بعد اکشے کمارکی 2000 کے دہے کی ایک اور ہٹ فلم کا سیکوئل تیار ہو رہا ہے۔ سبھاش گھئی نے اصل فلم کی20 ویں سالگرہ کی تقریب کے موقع پر اعتراض 2 کے بنانے کی تصدیق کردی ہے۔ اعتراض میں اکشے کمار، پرینکا چوپڑا اورکرینہ کپور خان نے مرکزی کردار ادا کیے تھے۔ اسے 2004 میں ریلیزکیاگیا تھا اورکام کی جگہ پر ہراساں کیے جانے کے جرات مندانہ مسئلے سے نمٹنے کے موضوع پر یہ فلم بنائی گئی تھی۔ اس فلم نے پرینکا کو اسٹارڈم عروج پر پہنچا دیا تھا ، اور انھیں کارکردگی کے لیے کئی ایوارڈ ملے۔ اعتراض کے پروڈیوسر سبھاش گھئی نے تصدیق کی کہ سوشل میڈیا پر باضابطہ اعلان کے ساتھ سیکوئل پر کام جاری ہے۔ انسٹاگرام پر اصل فلم سے پرینکا چوپڑا کی تصویر شیئر کرتے ہوئے ، فلمساز نے انکشاف کیا کہ انہوں نے اعتراض 2 کی کہانی تیار کرلی ہے ۔گھئی نے مزید کہا کہ فلم کا اسکرپٹ تین سال کی محنت کے بعد لکھا گیا ہے۔ فلم کے مرکزی اداکاروں کو حتمی شکل دینا ابھی باقی ہے، لیکن گھئی نے کہا کہ ٹیم کے ذہن میں کوئی ایسا ہے جو پرینکا چوپڑا کی میراث کو جاری رکھ سکے۔ ہمارے پاس فہرست ہے، لیکن دیکھتے ہیں کہ کس کو حتمی شکل دی جائے گی۔ یہ ایک بار پھر ایک بولڈ کردار ہوگا، جس کے بارے میں مجھے یقین ہے کہ اداکارکے لیے بہت سارے ایوارڈز ملیں گے، جیسا کہ ماضی میں پرینکا کو ملے تھے ۔
