رام پور:اعظم خان کی جوہر یونیورسٹی کی زمین پر اتر پردیش حکومت کاقبضہ ہو گیا ہے۔ میڈیا کے مطابق اعظم خان کی عرضی الہ آباد ہائی کورٹ سے خارج ہونے کے بعد یونیورسٹی کی 70 ایکڑ سے زیادہ زمین پر حکومت نے قبضہ کر لیا ہے۔ اطلاع کے مطابق جوہر یونیورسٹی کی زمین پر قبضہ کے لئے ضلع انتظامیہ کی ٹیم وہاں پہنچ گئی تھی۔اس دوران بڑی تعداد میں پولیس فورس موجود تھی۔ موجود افسر نے بتایا کہ اعظم خان کی ہائی کورٹ میں عرضی خارج ہو گئی تھی جس کے بعد یہ قدم اٹھایا جا رہا ہے۔واضح رہے مولانا محمد علی جوہر ٹرسٹ کو سال 2005 میں کچھ شرائط کے ساتھ اس یونیورسٹی کی تعمیر کے لئے زمین دی گئی تھی۔ ان شرائط پر عمل نہ کرنے کی وجہ سے زمین واپس لینے کی کارروائی شروع کی گئی۔ اعظم خان نے حکومت کے اس فیصلہ کو عدالت میں چیلنج کیا تھا۔ عدالت نے ان کی عرضی خارج کر دی ہے۔ اعظم خان اس ٹرسٹ کے صدر ہیں، ان کی اہلیہ ٹرسٹ کی سکریٹری اور بیٹا اس ٹرسٹ کا سرگرم رکن ہے۔
