چٹگانگ ۔ 8 ۔ ستمبر (سیاست ڈاٹ کام) بنگلہ دیش اور افغانستان کے درمیان یہاں کھیلے جارہے واحد ٹسٹ کے چوتھے ٹسٹ جب کھیل کا اختتام ہوا ، راشد خان کی زیر قیادت افغانستان کی ٹیم انتہائی شاندار موقف میں پہنچ چکی ہے اور آخری دن اسے میزبان بنگلہ دیش کے خلاف تاریخ ساز کامیابی کیلئے صرف چار وکٹ درکار ہیں جبکہ بنگلہ دیش کو اس مقابلہ میں شکست سے خود کو محفوظ رکھنے کیلئے 90 اوورس کی مکمل بیٹنگ کرنی ہے جبکہ کامیابی کیلئے اسے 262 رنز درکار ہیں۔ تاہم کامیابی کیلئے مطلوبہ نشانہ حاصل کرنا اس کے لئے آسان نہیں۔ بنگلہ دیش کے لئے آخری امید کپتان شکیب الحسن ہیں جو کہ وکٹ پر 46 گیندوں میں 4 چوکوں کی مدد سے 39 رنز بناکر موجود ہیں جبکہ ان کے ساتھ سومیا سرکار موجود تو ہے تاہم انہوں نے 5 گیندیں کھیلنے کے باوجود اپنا کھاتہ نہیں کھولا ہے۔ دوسری اننگز میں تاحال بنگلہ دیش کے لئے شادمان اسلام نے سب سے زیادہ 41 اسکور کئے ہیں ۔ 114 گیندوں کی اس اننگز میں انہوں نے 4 چوکے لگائے ہیں۔ اس کے بعد آؤٹ ہونے والے کھلاڑیوں میں دوسرا اعظم ترین اسکور مشفق الرحیم کا ہے جنہوں نے 25 گیندوں میں 4 چوکوں کی مدد سے 23 رنز اسکور کئے ہیں ۔ پہلی اننگز میں بنگلہ دیشی ٹیم کو شدید نقصان پہنچانے والے افغانستان کے نوجوان کپتان راشد خان نے دوسری اننگز میں بھی 13 اوورس میں 46 رنز دے کر 3 وکٹس حاصل کرلئے ہیں جبکہ ظہیر خان 36 رنز کے عوض دو وکٹیں حاصل کرنے میں کامیاب ہوئے۔ قبل ازیں بنگلہ دیش نے دوسری اننگز میں 260 رنز بنائے اور اس طرح بنگلہ دیش کو کامیابی کے لئے 398 رنز کا نشانہ دیا ۔ حالانکہ بنگلہ دیشی ٹیم پہلی اننگز میں بھی 205 رنز پر ڈھیر ہوئی تھی ، اس کے برعکس افغانستان نے پہلی اننگز میں 342 رنز اسکور کرتے ہوئے مقابلہ پر ابتداء سے ہی اپنی گیند مضبوط کر رکھی تھی۔
