برسلز ۔ یورپی یونین نے افغانستان سے مغربی افواج کے انخلا کو اجتماعی ناکامی قرار دے دیا۔اس حوالے سے یورپی پارلیمان میں قرارداد بھی پاس کی گئی ہے، جس میں یورپ سے افغان مہاجرین کو کسی صورت میں واپس نہ بھیجنے پر زور دیا گیا ہے۔قرار داد میں افغانستان کے پڑوسی ممالک کی مدد کرنے پر بھی زور دیا گیا اور کہا گیا کہ افغانستان میں تبدیلی سے چین اور پاکستان کواسٹرٹیجک برتری ملی ہے۔ خیال رہے کہ امریکہ نے 30 اگست 2021ء کی شب افغانستان سے انخلا مکمل کرلیا تھا، جس پر یورپی ممالک نے امریکہ پر جلد بازی میں انخلا کرنے کا الزام عائد کیا ہے۔ ادھر امریکہ کا کہنا ہے کہ افغانستان میں مزید رکنا اس کے فوجیوں اور شہریوں کے لیے نقصان دہ ہوسکتا تھا۔
