کابل:طالبان حکومت نے کہا ہے کہ شمالی افغانستان میں جمعہ کو ایک مسجد میں خودکش دھماکے کے نتیجے میں کم از کم سات افراد ہلاک اور 15 زخمی ہو گئے۔میڈیا کے مطابق خودکش حملوں کی تعداد میں ڈرامائی طور پر کمی آئی ہے۔ تاہم داعش سمیت متعدد مسلح گروپس ایک خطرہ بنے ہوئے ہیں۔دھماکے کی ذمہ داری فوری طور پر کسی نے قبول نہیں کی۔ یہ دھماکہ اس وقت ہوا جب صوبہ بغلان کے صدر مقام پول خمری میں واقع امام زمان مسجد میں نماز جمعہ کیلئے نمازی جمع تھے۔صوبائی اطلاعات اور میڈیا کے سربراہ مصطفی اسد اللہ ہاشمی نے کہا کہ سکیورٹی اور تفتیشی اہلکار اس بات کی تحقیقات کیلئے جائے وقوعہ پر گئے کہ یہ واقعہ کیسے پیش آیا۔انہوں نے ہلاکتوں کی تصدیق کرتے ہوئے ایک بیان میں کہا کہ تحقیقات ابھی جاری ہیں۔بغلان کے ہاسپٹل ذرائع نے بتا یاکہ اب تک 19 نعشوں اور 40 زخمی مریضوں کو ہاسپٹل میں لایا جا چکا ہے۔انہوں نے بتایا کہ ’ہلاک اور زخمیوں میں سے کچھ کو دوسرے نجی ہاسپٹلس میں بھی لیجایا گیا۔
