اقوام متحدہ : اقوام متحدہ نے خبردار کرتے ہوئے کہا ہے کہ افغانستان سے غیر ملکی افواج کے انخلا کے بعد پیدا ہونے والے تشدد کی وجہ سے مزید لوگ بے گھر ہو سکتے ہیں۔ عالمی ادارے کے مہاجرین سے متعلق ادارے کے سربراہ فلیپو گرانڈی نے کہا ہے کہ اس ممکنہ پیش رفت کے مد نظر خصوصی منصوبہ تیار کر لیا گیا ہے تاکہ حالات قابو سے باہر نہ ہوں۔ افغانستان میں بے گھر افراد کی تعداد 4.8ملین ہے جبکہ ڈھائی ملین افغان ملک بدر ہونے پر بھی مجبور ہوئے ہیں۔ طے شدہ پروگرام کے تحت گیارہ ستمبر تک افغانستان سے تمام تر غیر ملکی افواج کا انخلا ہو جائے گا۔