کابل: افغانستان میں 2 مختلف واقعات میں جنگجوئوںنے حملہ کرکے 3 سیکورٹی اہلکاروں سمیت 5 افراد کو ہلاک کردیا۔افغان میڈیا کے مطابق صوبہ ہرات میں ڈیم کی حفاظت پر مامور سیکورٹی اہلکاروں پر مسلح افراد نے فائرنگ کی جس کے نتیجے میں 3 اہلکار ہلاک اور 4 زخمی ہوگئے، حکام کے مطابق حملہ طالبان کی جانب سے کیا گیا تاہم طالبان نے حملے کی ذمہ داری قبول نہیں کی۔دوسری جانب ترجمان صوبائی گورنر کے مطابق سیکورٹی فورسز نے حملہ آوروں کا تعاقب کیا اور مقابلے کے نتیجے میں 5 طالبان مارے گئے۔ تمام افراد ڈیم پر حملے میں ملوث تھے۔دوسرا واقعہ صوبے بغلان میں پیش آیا جہاں یونی ورسٹی کی بس پر فائرنگ کے نتیجے میں طالب علم سمیت بس ڈرائیور ہلاک جب کہ 6 ا اساتذہ زخمی ہوگئے۔