کابل، 8 نومبر (سیاست ڈاٹ کام) افغانستان میں الیکشن کمیشن صدارتی انتخابات میں ڈالے گئے ووٹوں کی دوبارہ گنتی کا کام ملک بھر میں بنائے گئے 8400 گنتی مراکز پرکر ے گا ، جس کے تین دن میں مکمل ہونے کی توقع ہے ۔جمعہ کو الیکشن کمیشن سیکرٹریٹ کے سربراہ حبیب الرحمن نانگ نے یہ اطلاع دی۔واضح رہے کہ انتخابات میں ڈالے جانے والے ووٹوں کی دوبارہ گنتی صدارتی امیدوار کے مضبوط امیدوار عبداللہ عبداللہ کے اس دعوے کے بعد کرائی جارہی ہے ، جس میں کہا گیا کہ 28 ستمبر کو ہونے والے انتخابات میں ڈالے گئے تقریب تقریباً تین لاکھ ووٹ غیر مجاز تھے۔ انتخابات کے دوران جس درمالاگ جرمن بائیو میٹرکس کمپنی جن آلات کا انتخابات کے دوران استعمال کیاتھا اس نے الیکشن کمیشن کو بتایا کہ متنازعہ ووٹوں میں سے 137,000 ووٹ درست پائے گئے ۔مسٹر نانگ نے کہا ،‘‘کمیشن 8400 گنتی مراکز پر دوبارہ ووٹوں کی گنتی کے لئے مکمل طور پر تیار ہے ۔ یہ کام آئندہ تین دن میں مکمل کرلیا جائے گا اور اس کے نتائج کا مقررہ وقت پر اعلان کردیا جائے گا۔اس بیان کے منظر عام پر آنے کے بعد ، انتخابی شکایات کمیشن نے الیکشن کمیشن سے کہا کہ وہ اپنے عمل کو تیز کرے تاکہ بغیر کسی تاخیر کے نتائج کا اعلان کیا جاسکے ۔اس سے قبل انتخابی نتائج کا اعلان 19 اکتوبر کو ہونا تھا لیکن ووٹوں کی گنتی کی کچھ مشینیں خراب ہونے اور کچھ دیگر تکنیکی خرابیوں کی وجہ سے اس میں تاخیر ہوئی۔
