کابل ،16جولائی (سیاست ڈاٹ کام) افغانستان کے لوگر صوبہ میں پیر کی رات سلامتی دستوں کی کارروائی کے دوران ایک بچے کی موت ہوگئی اور 22شدت پسند ہلاک ہوگئے ۔افغانستان کی وزارت داخلہ نے منگل کے روز یہ اطلاع دی ۔وزارت داخلہ نے ایک بیان میں کہا،‘‘ افغان نیشنل پولیس کی اسپیشل آپریشن فورسز نے کل رات لوگرصوبہ کے محمد آغا ضلع کے کمال خیل گاؤں میں شدت پسندوں کے خلاف کارروائی شروع کی تھی جس میں 22طالبان شدت پسند ہلاک ہوگئے ۔ ’’ انھوں نے کہاکہ طالبان شدت پسندوں کے خلاف فضائی حملے کیے گئے تھے ۔وزارت نے اس بات کی تصدیق کی کہ گاؤں میں ایک مکان پر طالبان کی طرف سے کی گئی زبردست گولہ باری میں ایک بچہ کی موت اور ایک خاتون زخمی ہوگئی ۔مقامی لوگوں نے دعوی کیاکہ کمال خیل گاؤں میں کیے گئے حملہ میں پانچ شہری ہلاک اور 11زخمی ہوگئے ہیں ۔واضح رہے کہ پہلے بھی طالبان شدت پسندوں کے خلاف کی گئی فوجی کارروائی میں شہریوں کی ہلاکت ہوئی ہے ۔