واشنگ ٹن /10 فروری ( سیاست ڈاٹ کام ) تجزیہ کار، بریگیڈئر (ر) عمران ملک نے کہا ہے کہ افغانستان میں امریکہ اور پاکستان کے مفادات مشترک ہوگئے ہیں، کیونکہ دونوں ملک چاہتے ہیں کہ افغانستان میں امن قائم ہو، وہاں سے امریکی فوج کا انخلا عمل میں آئیامریکہ کی سینٹرل کمان کے سربراہ جنرل جوزف ووٹیل نے اپنے ایک بیان میں کہا ہے کہ افغانستان کے لئے امن سمجھوتا طے کرتے وقت پاکستان کے مفادات کا خیال رکھا جائے گا۔ اْنھوں نے یہ بات امریکی سینیٹ میں مسلح افواج کی قائمہ کمیٹی کی سماعت کے دوران کہی۔جنرل ووٹیل نے پاکستان کی جغرافیائی حیثیت کے تناظر میں پاکستان کو امریکہ کے لئے اہم ملک قرار دیا۔ پروگرام ’جہاں رنگ‘ میں تجزیہ کاروں سے یہ سوال کیا گیا آیا موجودہ صورتحال میں پاکستان واقعتاً امریکہ کے لیے اہم ہے، خاص طور پر جب وہ طالبان کے ساتھ مذاکراتی عمل میں سہولت کار کا کردار ادا کر رہا ہے۔دفاعی اور سیاسی کالم نگار اور تجزیہ کار، بریگیڈئر (ر) عمران ملک نے کہا ہے کہ افغانستان میں امریکہ اور پاکستان کے مفادات مشترک ہوگئے ہیں، کیونکہ دونوں ملک چاہتے ہیں کہ افغانستان میں امن قائم ہو، وہاں سے امریکی فوج کا تخلیہعمل میں آئے۔ لیکن، انخلا کے بعد ایک مستحکم افغانستان پیچھے رہے جس میں حکومت مضبوط ہو اور جس کا کنٹرول سارے ملک پر ہو۔ اور دونوں ملک اسی مقصد کے حصول کے لئے کوشاں بھی ہیں۔تجزیہ کار، شمع جونیجو نے پاکستان کی کوششوں کو تسلیم کرنے کے اعتراف کو پاکستان کی بڑی سفارتی کامیابی قرار دیا۔
