کابل : افغانستان کے صوبہ بدخشاں کے شمال مشرقی حصے میں مسافر طیارہ گر کر تباہ ہو گیا۔ افغان پولیس کے مطابق طیارہ افغان ضلع زیبک کے توپ خانہ پہاڑوں پر گر کر تباہ ہوا ہے۔ مذکورہ مسافر طیارہ کل رات ریڈار سے غائب ہو گیا تھا۔ اس حوالے سے افغان پولیس کا کہنا ہے کہ طیارہ کی قسم، مسافروں کی تعداد اور حادثہ کی وجہ فوری واضح نہیں ہو سکی ہے۔ افغان حکام کے مطابق واقعہ کی تحقیقات کیلئے ایک ٹیم علاقہ میں بھیج دی گئی ہے۔