کابل:افغانستان کے معروف یونیورسٹی پروفیسر فیض اللہ جلال کو طالبان حکام نے ٹی وی پروگرام میں طالبان پر تنقید کرنے پر گرفتاری کے 4 روز بعد آج رہا کردیا۔ میڈیا کے مطابق پروفیسر کو طالبان فورسز نے کابل سے ہفتہ کو حراست میں لیا تھا۔پروفیسر کی بیٹی حسینہ جلال نے ٹوئٹر پر بتایا کہ ‘میں تصدیق کرتی ہوں کہ پروفیسر جلال کو بے بنیاد الزامات پر چار دن سے زیادہ حراست میں رکھنے کے بعد اب بالآخر رہا کردیا گیا ہے۔حسینہ جلال واشنگٹن میں جارج ٹاؤن یونیورسٹی کی فیلو ہیں اور انہوں نے والد کی رہائی کیلئے سوشل میڈیا پر مہم شروع کی تھی۔
