کابل۔ 23اگست (یو این آئی) افغانستان کے جنوبی صوبے ہلمند میں جمعہ کو ایک ٹریکٹر کے دریا میں گرنے سے 12 افراد جاں بحق اور چار زخمی ہوگئے۔ مہلوکین میں تین خواتین اور نو بچے ہیں جنہں نے موقع پر ہی دم توڑ دیا۔
اور چار دیگر زخمی بھی بچے ہیں۔سیکورٹی اہلکار بروقت موقع پر پہنچ گئے اور 14 دیگر افرادکو بچا لیا گیا۔ افغانستان کے دیہی علاقوں میں دیہاتی اکثر زرعی پیداوار کو منڈی کانے اور یہاں سے لے جانے کے لیے ٹریکٹر اور جانور استعمال کرتے ہیں۔
