بیروت۔22فبروری ۔(سیاست ڈاٹ کام) افغانستان میں جاری جنگ میں سال 2019 ء میں 3000 شہری ہلاک ہوئے جبکہ 7000 زخمی ہو ئے ۔ افغانستان میں اقوام متحدہ امدادی مشن (یواین اے ایم اے ) نے ہفتہ کو یہاں بتایا کہ 2019 ء مسلسل چھٹا سال ہے جب افغانستان میں جاری جنگ میں ہلاک ہونے والوں کی تعداد 10,000 کو عبور کر گئی ہے ۔ یواین اے ایم اے نے یہ اعداد و شمار افغانستان میں اقوام متحدہ اور طالبان موومنٹ کے ایک ہفتے کے جنگ بندی کے مسودے کے فریم ورک کے درمیان جاری کیا ہے اور اگر یہ معاہدہ کامیاب رہا تو دونوں 29 فبروری کو امن معاہدے پر دستخط کریں گے ۔ یواین اے ایم اے نے ایک بیان میں کہا، ‘نئی رپورٹ کے مطابق 3,403 شہریوں کی موت ہوئی اور 6,989 افراد زخمی ہوئے ہیں جن میں سے زیادہ تر افرادکو حکومت مخالف عناصر نے ہلاک کیا۔ یہ مسلسل چھٹا سال ہے جب شہریوں کے ہلاک ہونے کی تعداد 10,000 کو پارکر گئی ہے ۔ مشن کے مطابق اسلامک اسٹیٹ دہشت گرد تنظیم (روس میں ممنوعہ) کی جانب سے حملوں میں آئی کمی کی وجہ سال 2018 ء کے مقابلے میں سال 2019 ء میں شہریوں کے ہلاک ہونے کی شرح میں پانچ فیصد کی گراوٹ درج کی گئی ہے ۔ اسی درمیان طالبان کے متاثرین اور بین الاقوامی فوجی دستوں کی تعداد میں گذشتہ سال کے مقابلے میں اضافہ ہوا ہے ۔ انسانی حقوق کے لئے اقوام متحدہ کی ہائی کمشنر مشیل پاچے لیٹ نے کہا کہ جنگ میں شامل تمام فریقوں کی ہلاکت روکنے کے لئے دفاع کے اہم اصولوں پر عمل درآمد کرنا چاہئے۔ کسی ملک میں شہریوں کی ہلاکت باعث تشویش ہے۔
