کابل۔ افغانستان کے دارالحکومت کابل میں طالبان کی ایک چیک پوسٹ پر ایک 22 سالہ لڑکی کو گولی مار کر ہلاک کر دیا گیا۔ خامہ خبر رساں ایجنسی نے ہفتے کے روز اطلاع دی ہے کہ کابل کے علاقے دشت برکی میں رہنے والے خاندان نے دعویٰ کیا ہے کہ ان کی بیٹی زینب کو اس وقت راستے میں گولی مار کر قتل کر دیا گیا جب وہ شادی کی ایک تقریب میں شرکت کے بعد گھر واپس جا رہی تھی۔ بچی کے والد نے انصاف کی اپیل کرتے ہوئے ملزمان کی گرفتاری کا مطالبہ کیا ہے ۔ قتل کی وجہ تاحال واضح نہیں ہے تاہم طالبان نے تحقیقات کی یقین دہانی کرائی ہے ۔ قابل ذکر ہے کہ گزشتہ ماہ اسی طرح کے ایک واقعے میں 22 سالہ فیصل کرے کو دارالحکومت کابل میں طالبان کی ایک چیک پوسٹ پر گولی مار کر ہلاک کر دیا گیا تھا۔
