کابل: جلال آباد میں نامعلوم افراد نے 3خواتین میڈیا ورکرز کو فانرنگ کرکے ہلاک کر دیا۔افغانستان کے شہر جلال آباد میں نامعلوم افراد نے فائرنگ کرکے 3 خاتون صحافیوں کو ہلاک کردیا، ننگرہار کے مقامی اسپتال کے ترجمان ظاہر عدیل نے ہلاکتوں کی تصدیق کی ہے۔داعش نے دعویٰ کیا ہے کہ اس کے جنگجوؤں نے ان خواتین کو نشانہ بنایا۔ تاہم گرفتار حملہ آور نے طالبان سے تعلق کا اعتراف کیا ہے۔نجی ٹی وی کے ڈائریکٹر نیوز زلمے لطیفی کا کہنا ہے کہ تینوں خواتین کو اس قت نشانہ بنایا گیا جب وہ ٹی وی اسٹیشن سے گھروں کو جارہی تھیں، خواتین پیدل تھیں اس لئے انہیں آسانی سے نشانہ بنالیا گیا۔ننگرہار پولیس کے سربراہ جمعہ ہمت کے مطابق خواتین صحافیوں کو دو علیحدہ حملوں میں نشانہ بنایا گیا، حملے کے بعد ایک حملہ آور کو فرار ہوتے ہوئے گرفتار کرلیا گیا، اور اس نے خواتین کے قتل میں ملوث ہونے کا اعتراف بھی کر لیا ہے۔ طالبان کے ترجمان نے حملے میں ملوث ہونے کی تردید کی ہے۔