کابل: افغانستان میں 3 مختلف واقعات میں پولیس گاڑیوں کو بم دھماکے کا نشانہ بنایا گیا ہے جس کے نتیجے میں کمانڈر سمیت 5 اہلکار ہلاک اور 20 افراد زخمی ہوگئے۔افغان میڈیا کے مطابق پہلا حملہ کنڑ صوبے میں اس وقت کیا گیا جب پولیس قافلہ ایک مصروف رہائشی علاقے سے گزر رہا تھا، دھماکہ وہاں پہلے سے موجود بارودی مواد سے بھری ایک کار میں ریموٹ کنٹرول کے ذریعہ کیا گیا۔دھماکہ اتنا زور دار تھا کہ ایس پاس میں موجود اسکول اور مکانات کو بری طرح نقصان پہنچا جب کہ 8 گاڑیوں کے شیشے ٹوٹ گئے اور 3 دکانوں کو معمولی نقصان پہنچا۔تاحال کسی گروپ نے حملوں کی ذمہ داری قبول نہیں کی ہے لیکن دارالحکومت میں ہونے والے زیادہ تر بم دھماکے داعش نے کیئے جب کہ دیگر علاقوں میں سیکیورٹی فورسز پر حملوں میں طالبان ملوث رہے ہیں۔واضح رہے کہ امریکہ میں نئی حکومت کے بعد سے افغانستان میں پولیس قافلوں میں حملوں میں اضافہ دیکھا گیا ہے اور رواں ماہ مختلف حملوں میں 25 سے زائد پولیس اہلکار ہلاک ہوئے ہیں جب کہ 50 سے زائد زخمی ہوئے، اسی طرح افغان فوج پر بھی حملوں میں تیزی دیکھی گئی ہے۔
