کابل:افغانستان کے صوبہ قندھار میں فوج کے انسداد دہشت گردی آپریشن میں 30 طالبان جنگجو ہلاک اور آٹھ دیگر زخمی ہوگئے ۔ فوج کے ترجمان فواد امان نے چہارشنبہ کے روز یہ اطلاع دی۔انہوں نے کہا کہ یہ فوجی آپریشن قندھار کے اضلاع ارغنداب اور زاہری میں گزشتہ 24 گھنٹے کے دوران چلائے گئے ہیں۔ ان دونوں فوجی آپریشنوں میں 30 طالبان جنگجو ہلاک اور آٹھ دیگر زخمی ہوئے ہیں۔قابل ذکر ہے کہ دوحہ میں طالبان اور افغان حکومت کے نمائندوں کے مابین ستمبر سے بات چیت جاری ہے لیکن اس کے باوجود دونوں طرف سے تشدد کے واقعات کا سلسلہ بھی جاری ہے ۔