افغان حکومتوں کی کرپشن بڑی رکاوٹ ،رپورٹ میں انکشاف
واشنگٹن ۔ 4 جنوری (ایجنسیز) امریکی انسپکٹر جنرل کے مطابق 20 سال میں امریکہ نے افغانستان کیلئے 144 ارب ڈالر مختص کیے، رقم افغانستان میں تعمیر نو کیلئے رکھی گئی۔ انھوں نے کہا افغان حکومتوں کی کرپشن بڑی رکاوٹ ثابت ہوئی۔ امریکی انسپکٹر نے 20 سالہ افغان جنگ اور تعمیرنو کے بارے میں رپورٹ جاری کی ہے جس کے مطابق انسدادِ منشیات پروگرام غیر موثر رہا۔ رپورٹ کے مطابق اسٹیبلائزیشن پروگرامز پر 4.7 ارب ڈالر خرچ کیے گئے۔ رپورٹ کے مطابق خطیر رقم خرچ ہونے پر بھی نتائج مایوس کن رہے، انخلا کے بعد7.1 ارب ڈالر کا فوجی سامان افغانستان میں چھوڑا گیا۔ امریکہ نے 4 برسوں میں طالبان حکومت کو 3.83 ارب ڈالر کی امداد دی۔ 2002 سے 2021 تک امریکہ نے افغانستان کی تعمیر نو کیلئے 144 ارب ڈالر سے زائد مختص کیے، افغان حکومتوں کی کرپشن تعمیر نو میں سب سے بڑی رکاوٹ ثابت ہوئی۔