لکھنو۔15 نومبر (سیاست ڈاٹ کام) ویسٹ انڈیز نے افغانستان کو3 ٹی 20 میچزکی سیریز کے پہلے میچ میں 30 رنز سے شکست دے کر 1-0کی برتری حاصل کرلی۔ لکھنو میں کھیلے میچ میں افغانستان نے ٹاس جیت کر فیلڈنگ کا فیصلہ کیا۔ ویسٹ نے مقررہ20 اوورزمیں 5 وکٹوں پر 164 رنز بنائے ۔ ایوان لوئیس نے 41گیندوں پر 6 چھکوں اور 4 چوکوں کی مددسے 68 رنز کی اننگز کھیلی جبکہ کیرن پولارڈ نے 32 ناقابل شکست رنز بنائے۔افغانستان کی ٹیم 9 وکٹوں پر134رنز تک محدود رہی ۔ نجیب اللہ 27،اصغر افغان 25 ، فرید احمد 24ناٹ آؤٹ اور حضرت اللہ 23رنز کے علاوہ کوئی بھی بیٹسمین دوہرے ہندسے تک نہیں پہنچ سکا۔ کیسرک ولیمزنے 3،پولارڈ اورہائیڈن والش نے فی کس 2 وکٹیں حاصل کیں ۔ پولارڈکو آل راؤنڈر مظاہرے پر پلیئر آف دی میچ قراردیاگیا۔