کابل: افغانستان کے شمال مغربی صوبہ ہیرات میں ایک کار بم دھماکے کے نتیجے میں 8 افراد ہلاک اور 60 سے زائد زخمی ہوگئے ۔صوبے ہیرات میں کار بم دھماکے کے نتیجے میں 8 افراد ہلاک اور 60 زخمی ہوگئے واقعہ کے بعد امدادی اہلکاروں نے زخمیوں کو فوراً قریبی اسپتال منتقل کیا جب کہ سیکیورٹی فورسز نے علاقے میں گھیرے میں لے کر دھماکے کی جگہ سے شواہد اکٹھے کرنا شروع کردیئے ہیں۔ دوسری جانب عینی شاہدین کا کہنا ہے کہ دھماکے میں زخمی ہونے والوں میں بچوں کی بڑی تعداد شامل ہے ۔گورنر ہیرات وحید قتالی کا کہنا ہے کہ کار بم دھماکہ پولیس چیک پوسٹ کے قریب کیا گیا جس میں مارے جانے 7 افراد عام شہری ہیں۔ پولیس کے مطابق دھماکہ اتنا شدید تھا کہ آس پاس مکانات کو شدید نقصان پہنچا جب کہ ابھی تک کسی نے بھی دھماکے کی ذمہ داری قبول نہیں کی۔قطر کی راجدھانی دوحہ میں افغان سرکار اور اور طالبان نمائندوں کے درمیان جاری امن مذاکرات کے باوجود شورش زدہ ملک میں پرتشدد جھڑپیں اور بم دھماکوں کے واقعات جاری ہیں۔