تہران : ایک ایرانی پولیس افسر کے ہاتھوں تہران میں ایک افغان خاتون پناہ گزین کو تھپڑ مارنے کے واقعے پر افغان حکومت نے ایران سے احتجاج کیا ہے۔العربیہ ڈاٹ نیٹ کے مطابق افغان نیشنل سیکیورٹی کونسل کے دو عہدیداروں نے تہران میں ایک مہاجر کیمپ میں ایرانی پولیس افسر کے ہاتھوں افغان خاتون کو تھپڑ مارنے کے واقعے کی مذمت کی ۔ایران میں افغان سفارت خانے نے بیان جاری کیا ہے جس میں اس طرز عمل کوغلط اور توہین آمیز قرار دیتے ہوئے کہا کہ ایرانی عہدیداروں نے سنجیدہ اور قانونی تحقیقات کرنے کا وعدہ کیا ہے سفارتخانے نے کر کہا کہ ایران میں افغان مہاجرین کے نمائندوں نے اس معاملے میں شکایت درج کرائی اور وہ پیروی کر رہے ہیں ۔ ایرانی ریڈیو و ٹیلی ویڑن سے وابستہ ینگ جرنلسٹس کلب ایجنسی نے اطلاع دی کہ تہران کے فوجی پراسیکیوٹر نے تھپڑ مارنے والے افسر کے گرفتاری وارنٹ جاری کیے ہیں۔
