کریم نگر مسلم جے اے سی کی ریاستی وزیر پونم پربھاکر سے نمائندگی، مختلف مسائل پر توجہ دہانی
کریم نگر ۔ 27 ستمبر (سیاست ڈسٹرکٹ نیوز) کریم نگر مسلم جے اے سی کے صدر ابوبکر خالد کی قیادت میں بی سی کی فلاح و بہبود اور ٹرانسپورٹ کے وزیر پونم پربھاکر سے جمعرات کو حیدرآباد میں ایک عرضداشت سونپی، جس میں درخواست کی گئی تھی کہ زیر التوا مسائل کو کانگریس حکومت میں حل کرنے کی بجائے پچھلی حکومت کی طرح زیر التوا رکھا جا رہا ہے. فنڈس فراہم کرنے اور کریم نگر کے مضافاتی علاقے چنتہ کنٹہ میں نامکمل اقلیتی کمیونٹی ہال کو مکمل کرنے، کریم نگر میں اقلیتی اسٹڈی سرکل قائم کرنے، وقف بورڈ میں مسائل کو حل کرنے، مدینہ کمپلیکس میں موجود مسائل کو حل کرنے اور کمپلیکس کو جدید بنانے، اردو میڈیم اسکولوں میں جائیدادوں پر تقررات کے موجودہ ڈی ایس سی میں اردو میڈیم میں الاٹ کی گئی ایس سی ایس ٹی کی اسامیوں کو ڈی ریزرو کیا جائے اور سبھی کو ملازمتیں فراہم کی جائیں۔ ریاستی وزیر نے مثبت جواب دیا اور کہا کہ جلد ہی ضلع کلکٹر، وقف بورڈ، اقلیتی مالیاتی کارپوریشن اور اردو اکیڈیمی کی قیادت میں ایک اعلیٰ سطحی جائزہ میٹنگ کا اہتمام کیا جائے گا، بعد ازاں وزیر پربھاکر نے وقف بورڈ کے چیئرمین عظمت اللہ حسینی سے فون پر بات کی اور کریم نگر کی اقلیتوں کو درپیش مسائل کے حل کے لیے مل کر کام کرنے کو کہا۔بعد ازاں وزیر کی ہدایت کے مطابق کریم نگر مسلم جے اے سی کے قائدین نے ریاستی وقف بورڈ آفس کے چیئرمین عظمت اللہ حسینی سے ملاقات کی۔ مفتی غیاث محی الدین، مظہر محی الدین ساجد، فصیح الدین نواب، جمیل الدین، صمد نواب، محمد تاج الدین، عباس سمیع، ایس اے محسن، صدر قاضی حافظ منقبت شاہ خان، حافظ ضیاء اللہ خان، ایم اے خالد، جمیل، زبیر احمد، وسیم الدین، شعیب قادری، لیاقت قادری،احمد علی،ایم اے متین،حافظ صادق علی احمد اور دیگر موجود تھے۔
