حیدرآباد۔/16 جولائی، ( سیاست نیوز) سیول سرویس امتحانات میں اقلیتی طلبہ کو کوچنگ کی فراہمی کیلئے درخواستوں کے ادخال کی آخری تاریخ میں23 جولائی تک توسیع کی گئی ہے۔ میناریٹیز اسٹڈی سرکل کے ذریعہ ہر سال 100 اقلیتی امیدواروں کو نامور کوچنگ اداروں کے ذریعہ سیول سرویس کیلئے تیار کیا جاتا ہے۔ جاریہ سال زیادہ سے زیادہ طلبہ کو کوچنگ کی فراہمی کے مقصد سے سکریٹری اقلیتی بہبود سید عمر جلیل نے آخری تاریخ میں 23 جولائی تک توسیع کی ہے۔ امیدواروں کا انتخاب اسکریننگ ٹسٹ کے ذریعہ کیا جائے گا جو 6 اگسٹ کو صبح 10 تا دوپہر 12 بجے منعقد ہوگا۔ سید عمر جلیل نے بتایا کہ نامور اداروں کے ذریعہ کوچنگ کی فراہمی کے تمام اخراجات حکومت برداشت کرے گی اور امیدواروں کو اسٹڈی میٹریل کیلئے علحدہ فنڈ مختص کیا جاتا ہے۔ جاریہ سال کم درخواستوں کی وصولی کو دیکھتے ہوئے آخری تاریخ میں توسیع کا فیصلہ کیا گیا۔ گذشتہ مرتبہ حیدرآباد ضلع سے 100 سے زائد درخواستیں موصول ہوئی تھی لیکن اس مرتبہ تاحال 60 اقلیتی
امیدواروں نے سیول سرویس کوچنگ میں دلچسپی دکھائی۔ سکریٹری اقلیتی بہبود کی مساعی ہے کہ اقلیتوں سے سیول سرویس کیلئے امیدوار منتخب ہوں۔ر
