نرمل /18 ڈسمبر ( سیاست ڈسٹرکٹ نیوز ) ضلع نرمل میں محکمہ تعلیمات کی جانب سے اقلیتی طلبہ ( اردو میڈیم ) کے ساتھ لسانی تعصب کے خلاف مائناریٹی ایمپلائیز ویلفیر اسوسی ایشن ( میوا) اور تلنگانہ اسٹیٹ پرائمری ٹیچرس اسوسی ایشن ( ٹی ایس پی ٹی اے ) نے تلنگانہ ریاستی اقلیتی کمیشن سے شکایت درج کروائی تھی ۔ اس شکایت پر اقلیتی کمیشن نے نرمل ضلع کلکٹر ڈائرکٹر ایس سی ای آر ٹی حیدرآباد ، نرمل ضلع مہتمم تعلیمات پی راما راؤ اور ٹی ایم ایف کے صدر و سکریٹری کو نوٹس جاری کرتے ہوئے رپورٹ طلب کی ہے۔ ضلع نرمل میں 11 ڈسمبر 2024 کو تلنگانہ میتھس فورم ، نرمل نے صرف تلگو اور انگریزی میڈیم کے طلبہ کیلئے میتھس ٹیالنٹ ٹسٹ کا انعقاد کیا اور اردو میڈیم کے طلبہ کو نظر انداز کرتے ہوئے ان کے ساتھ ناانصافی کی ۔ اس عمل سے نہ صرف لسانی بنیاد پر ان کی توہین کی گئی بلکہ ان کے حوصلوں کو پست کرنے کی کوشش کی گئی ۔ حالانکہ ضلع مہتمم تعلیمات پی راما راؤ نے تلگو ، انگریزی اور اردو میڈیم کے طلبہ کیلئے میتھس ٹیالنٹ ٹسٹ منعقد کرنے کی ہدایت دی تھی اور اس حوالے سے پروسیڈنگ جاری کی تھی ۔ لیکن میتھس فورم نے ان ہدایات کو نظر انداز کرتے ہوئے اپنی من مانی کی ۔ میتھس فورم کے اس رویے کے خلاف میوا اور ٹی ایس پی ٹی اے نے ضلع کلکٹر اور ضلع مہتمم تعلیمات سے شکایت کی ۔ لیکن کوئی کارروائی نہ ہونے پرا نہوں نے ریاستی اقلیتی کمیشن سے رجوع کیا۔ کمیشن کے چیرمین طارق انصاری نے اس معاملے کا جائزہ لیتے ہوئے متعلقہ افسران کو رپورٹ پیش کرنے کی ہدایت دی ہ
