اقوام متحدہ، 30 دسمبر (سیاست ڈاٹ کام) اقوام متحدہ کی سلامتی کونسل نے صومالیہ کے دارالحکومت موغادیشومیں ہونے والے دہشت گردانہ حملہ کی سخت مذمت کی ہے جس میں 79 افراد ہلاک ہو گئے تھے ۔کونسل کے ارکان نے اتوار کو ایک بیان میں کہا‘‘دہشت گردی اپنی تمام صورتوں اور توضیحات میں بین الاقوامی امن اور سلامتی کے لئے سب سے زیادہ سنگین خطرات میں سے ایک ہے ۔ تمام ممالک کو دہشت گردی کے خطرات سے ہر طرح سے مقابلہ کرنے کی ضرورت ہے ’’۔انہوں نے تمام ممالک سے صومالیہ کی حکومت اور دیگر تمام متعلقہ حکام کو دہشت گردی کے مجرموں، منتظمین، سرمایہ کاری کرنے والے اور انسپانسرز کو انصاف دلانے میں فعال طور پر تعاون کرنے کی اپیل کی۔ کونسل کے ارکان نے صومالیہ میں امن و استحکام اور ترقی کی حمایت کرنے کے اپنے عزائم کو دوہراتے ہوئے کہا کہ ان کا ارادہ کسی بھی دہشت گردانہ حملے سے کمزور نہیں ہو سکتا ہے ۔
