ناساؤ،3ستمبر(سیاست ڈاٹ کام)اقوام متحدہ نے تباہ کن ڈورین طوفان سے متاثر بہاماس کی حکومت اور لوگوں کے تئیں پیر کو یکجہتی کا اظہار کیا ہے ۔جس میں اب تک پانچ افراد کے ہلاک ہونے کی اطلاع ہیگردابی طوفان ڈورین کے آنے پر علاقے میں تیز ہواؤں کے چلنے کے ساتھ ساتھ شدید بارش ہوئی جس سے بڑے پیمانے پر تباہی مچ گئی۔اقوام متحدہ کے سکریٹری جنرل اینٹونیو گٹیرس کے ترجمان کی جانب سے جاری ایک بیان میں کہا گیا ہے ،‘‘سکریٹری جنرل طوفان ڈورین کی وجہ سے ہوئی تباہی سے دکھی ہیں ،یہ طوفان ابھی بھی بہاماس میں تباہی مچا رہا ہے ۔اس طوفان سے مکانات کی چھتیں اڑ گئی ہیں اور شدید بارش کی وجہ سے سیلاب کے حالات پیدا ہوگئے ہیں۔اس دوران،امریکہ کی فلوریڈا،جارجیا اور کیلی فورنیا ریاستوں نے طوفان کے پیش نظر ہنگامی صور ت حال کا اعلان کیا ہے ۔مسٹر گٹیرس نے بہاماس کی حکومت اور لوگوں کے تئیں یکجہتی کا اظہار کرتے ہوئے کہا کہ اقوام متحدہ بہاماس حکومت کی قیادت میں چل رہے بچاؤ اور راحت کے کاموں کی حمایت جاری رکھے گا۔