غزہ : اقوامِ متحدہ کے 33 امدادی ٹرک رفح کراسنگ سے غزہ میں داخل ہو گئے۔عرب میڈیا کے مطابق اقوامِ متحدہ کے ان امدادی ٹرکوں سے پانی، خوراک اور طبی سامان غزہ پہنچایا گیا ہے۔اس حوالے سے اقوامِ متحدہ کا کہنا ہے کہ 21 اکتوبر کے بعد غزہ میں امدادی ٹرکوں کی یہ سب سے بڑی ڈیلیوری ہے۔ میڈیا کی رپورٹس کے مطابق 7 اکتوبر کے بعد سے آج تک غزہ میں 117 امدادی ٹرک پہنچائے جا چکے ہیں۔7 اکتوبر سے پہلے یومیہ 500 ٹرک رفح کراسنگ سے سامان غزہ پہنچاتے تھے۔ہاسپٹلس کی اپیل کے باوجود 7 اکتوبر کے بعد سے غزہ میں ایندھن کی سپلائی نہیں کی گئی ہے۔اسرائیل نے غزہ کی بجلی کئی ہفتوں سے منقطع کر رکھی ہے۔ مسلسل بمباری کے نتیجہ میں غزہ اور مغربی کنارہ کی کئی عمارتیں مکمل طور پر تباہ ہوگئی ہیں جہاں کوئی بنیادی سہولت میسر نہیں ہے۔
