بیروت : حماس کے مسلح دستے عزالدین القسام بریگیڈز نے اعلان کیا ہے کہ غزہ پٹی کے شمال میں کیے گئے حملے میں اسرائیلی فوجی ہلاک اور زخمی ہوئے ہیں۔القسام بریگیڈز کی جانب سے جاری کردہ تحریری بیان میں بتایا گیا کہ غزہ پٹی کے شمال میں واقع جبالیہ پناہ گزین کیمپ میں ایک گھر میں چھپے اسرائیلی فوجیوں پر راکٹ حملہ کیا گیا۔بیان میں کہا گیا کہ جبالیہ پناہ گزین کیمپ کے وسطی حصے میں واقع یمن السعید ہسپتال کے قریب ہونے والے حملے میں اسرائیلی فوجی ہلاک یا زخمی ہوئے اور غزہ شہر میں بھی اسرائیلی فوجیوں کو نشانہ بنایا گیا۔اس بارے میں اسرائیلی فوج کی جانب سے ابھی تک کوئی بیان جاری نہیں کیا گیا۔7اکتوبر 2023 سے اب تک ہزاروں فلسطینی شہید ہوئے، جبکہ ملبے کے نیچے ابھی بھی ہزارو ںلاشیں دبی ہوئی ہیں جبکہ ہسپتالوں اور تعلیمی اداروں کو نشانہ بنا کر شہری بنیادی ڈھانچے کو بھی تباہ کیا جا رہا ہے۔
