ضلع کریمنگر کے این پی ڈی سی ایل دفتر کے قریب الیکٹریسٹی اسٹور میں آج آگ لگنے کا واقعہ پیش آیا جن میں کئی درجن ٹرانسفارمرس جل کر خاکستر ہوگئے ۔ تاہم اس حادثہ میں کسی کے جانی نقصان کی کوئی اطلاع نہیںہے ۔ شبہ کیا جا رہا ہے کہ شارٹ سرکٹ کی وجہ سے آگ لگنے کا یہ حادثہ پیش آیا ہے ۔ اطلاع ملتے ہی فائر بریگیڈس کے اہلکار وہاں پہونچ گئے اور انہوں نے جدوجہد کے بعد آگ پر قابو پالیا ۔ اس واقعہ میں ہوئے مالی نقصان کا تخمینہ لگایا جا رہاہے ۔ ریاستی وزیر جی کملاکر ‘ ضلع کلکٹر سشانک اور کمشنر پولیس کملاسن ریڈی و دیگر مقام واقعہ کا دورہ کیا ۔
