پریاگ راج۔27 اپریل (سیاست ڈاٹ کام) اترپردیش کے ضلع پریاگ راج میں واقع الہ آباد یونیورسٹی کے 10طلبہ کے خلاف کرنل گنج تھانے میں پولیس نے گینگسٹر ایکٹ کے تحت مقدمہ درج کیا ہے ۔پولیس ذرائع نے پیر کو بتایا کہ کچھ مہینے قبل کرنل گنج علاقے کے منموہن پارک پر ایک دوکاندار سے تنازع کے بعد کچھ طلبہ نے دہشت پھیلانے کے بم سے حملہ کیا تھا۔ اس میں کئی گاڑیوں کو نقصان پہنچا تھا۔ اس مجرمانہ فعل میں ملوث طلبہ کے بارے میں معلومات یکجا کرنے کے بعد پولیس نے گیگسٹر ایکٹ کے تحت کاروائی کی ہے ۔اطلاعات کے مطابق پولیس نے طلبہ کو گرفتار کر کے جیل بھیج دیا تھا اور بعد میں یہ ضمانت پر رہا ہوگئے تھے اس کے بعد اتوار کو ان پر گینگسٹر ایکٹ کے تحت مقدمہ درج کیا گیا ہے ۔جن طلبہ کے خلاف کاروائی کی گئی ہے ان میں یونیورسٹی کے ہندو ہاسٹل میں رہنے والے وکاس رائے ،مردل تیواری، امن گپتا، پرکا ش شکلا،تیجسوی سنگھ، گورو یادو،آشوتوش اور دیگر شامل ہیں۔
