گوہاٹی؍ کولکاتا: زیادہ عرصہ نہیں گزرا کہ ہندوستان کے سیاست میں اصولوں کی پاسداری کی جاتی تھی۔ عام سیاسی کارکنان اور قائدین کی اپنی پارٹی سے وابستگی اٹوٹ ہوا کرتی تھی۔ لیکن اب یہ قاعدہ بالکلیہ الٹ چکا ہے۔ اب الیکشن ٹکٹ نہ ملتے ہی قائدین فوری پارٹی تبدیل کرلیتے ہیں اور یکسر مختلف نظریات والی پارٹی میں شامل ہوجاتے ہیں۔ آسام میں چہارشنبہ کو دو بی جے پی ارکان اسمبلی پارٹی سے مستعفی ہوگئے کیونکہ انہیں آنے والے اسمبلی الیکشن کیلئے ٹکٹ نہیں دیئے گئے۔ اسی طرح مغربی بنگال کے وزیر بچوہنسدا اور ایم ایل اے گوری شنکردتا ترنمول کانگریس کا الیکشن ٹکٹ نہ ملنے پر آج بی جے پی میں شامل ہوگئے۔
