ابوظہبی : متحدہ عرب امارات کو ایف اے ٹی ایف کی ’گرے لسٹ‘ سے نکال دیا گیا۔ میڈیا رپورٹ کے مطابق یو اے ای کو اہم اصلاحاتی پیشرفت کے بعد گرے لسٹ سے نکالا گیا۔ رپورٹ میں مزید کہا گیا ہے کہ یو اے ای کو 2022 میں ایف اے ٹی ایف کی گرے لسٹ میں شامل کیا گیا تھا۔ آج پیرس میں ایف اے ٹی ایف نے 3 روزہ اجلاس کے اختتام پر فیصلہ دیا۔ میڈیا رپورٹ کے مطابق یو اے ای کو گرے لسٹ سے نکالنے کا فیصلہ ایک جامع جائزہ کے بعد کیا گیا۔ یو اے ای نے منی لانڈرنگ کی روک تھام کیلئے سخت قوانین بنائے ہیں جس کے مطابق یو اے ای نے دہشت گردوں کی مالی معاونت اور ہتھیاروں کے پھیلاؤ کو روکنے کیلئے اقدامات کیے۔ مالی جرائم کو روکنے کیلئے اماراتی حکام نے نئے ضوابط مرتب کیے۔ یواے ای نے منی لانڈرنگ کی روک تھام اور انسداد دہشت گردی کیلئے ادارہ قائم کیا۔
