ابوظہبی : امریکی صدر ڈونالڈ ٹرمپ کی تیل کی پیداواری ممالک کی تنظیم سے پٹرول کی قیمتوں میں کمی اور پیداوار بڑھانے کی اپیل کسی کام نہ آئی۔عالمی میڈیا کے مطابق متحدہ عرب امارات کی فیول پرائس کمیٹی نے فی لیٹر کی قیمتوں میں اضافے کا اعلان کردیا۔متحدہ عرب امارات میں اب پٹرول 2.74 درہم فی لیٹر میں ملے گا جو گزشتہ ماہ 2.61 درہم تھا۔اسی طرح ڈیزل کی قیمت 2.68 فی لٹر سے بڑھا کر اب 2.82 درہم مقرر کردی گئی۔خیال رہے کہ متحدہ عرب امارات میں تیل کی قیمتوں کو عالمی قیمتوں سے 2015 سے ہم آہنگ کرنا شروع کیا گیا ہے۔ رواں برس کے آغاز پر ہی عالمی منڈی میں تیل کی قیمتوں میں اتار چڑھاؤ دیکھنے میں آیا ہے۔
