ابوظہبی: متحدہ عرب امارات میں گزشتہ ہفتے کے آخر میں دبئی اور شارجہ گولڈ مارکٹس میں مختلف قیراط کے فی گرام سونے کی قیمت میں دیڑھ درہم سے دو درہم تک کا اضافہ دیکھنے میں آیا ہے۔ 24 قیراط ایک گرام سونے کی قیمت دو درہم اضافہ کے بعد 249 درہم ہوگئی۔ 22 قیراط کی قیمت دیڑھ درہم اضافہ کے بعد 230.5 درہم تک پہنچ گئی۔ 21 قیراط کے نرخ دو درہم اضافہ سے 223.25 درہم، 18 قیراط کی دیڑھ درہم اضافہ سے 191.25 درہم ہوگئے۔ دبئی میں زیورات کے ایک شوروم کے انچارج نے کہا کہ سونے کے نرخوں میں حالیہ اضافہ پر زیورات کی طلب کم ہوئی ہے تاہم پرانے ڈیزائن اور ماڈل کے زیورات کی طلب بڑھی ہے۔ پرانے زیورات بہت کم مینوفیکچرنگ لاگت پر فروخت کیے جاتے ہیں۔
