ابوظہبی ۔ 16 اگست (ایجنسیز) متحدہ عرب امارات نے اردن کے تعاون سے غزہ میں امدادی آپریشن مکمل کرلیا ہے۔ عرب نیوز ایجنسی کے مطابق یو اے ای نے غزہ میں 69 واں ائر ڈراپ آپریشن مکمل کیا ہے، جس میں خوراک، ہنگامی طبی امداد اور ضروری امدادی اشیاشامل تھیں۔ رپورٹ کے مطابق مذکورہ امدادی ائر ڈراپ آپریشن اردن کے تعاون سے کیا جا رہا ہے، جس میں فرانس، جرمنی، بلجیم اور اٹلی جیسے مملک بھی شامل ہیں۔ امدادی سامان امارات کے چیرٹی اداروں کے تعاون سے روانہ کیا گیا ہے تاکہ غزہ میں اسرائیل کے ہاتھوں مشکل صورتحال سے دوچار فلسطینیوں کی ضروریات کو پورا کیا جا سکے۔ علاوہ ازیں تقریبا 500 ٹن غذائی اشیا سے لدے 20 ٹرک بھی بارڈر کراسنگ کے ذریعہ غزہ میں داخل ہوئے ہیں۔ یہ بات بھی علم میں رہے کہ تاحال غزہ میںمجموعی طور پر 3 ہزار 924 ٹن سے زیادہ امدادی سامان پہنچایا جا چکا ہے، جس میں خوراک اور اشیائے ضرورت شامل ہیں۔
