ابوظہبی : متحدہ عرب امارات نے مشرق وسطی میں فلسطینی پناہ گزینوں کے ریلیف فنڈ میں 20 ملین ڈالردینے کا اعلان کیا ہے۔یہ امداد اقوام متحدہ کی ریلیف اینڈ ورکس ایجنسی برائے فلسطینی پناہ گزین(یو این آر ڈبلیو اے) کے ذریعے دی جائیگی۔ امارات الیوم کے مطابق متحدہ عرب امارات کی جانب سے کہا گیا کہ اقوام متحدہ کے ریلیف اینڈ ورک پروگرام میں جو فلسطینی پناہ گزینوں کیلیے قائم ہے 73.6 ملین درھم ( 20 ملین ڈالر) د یے جائیں گے۔ یہ فنڈ فلسطینی پناہ گزینوں کی تعلیم ، صحت اورسماجی ضروریات کیلیے مخصوص ہوگا۔ اقوام متحدہ میں امارات کی مستقل مندوب ایمبسڈرلانا ذکی نسیبہ کا کہنا ہے کہ متحدہ عرب امارات کی جانب سے فنڈ آئندہ دوبرسوں میں جاری کیاجائے گا۔ انہوں نے مزید کہا کہ اقوام متحدہ کی ریلیف اینڈ ورکس ایجنسی برائے فلسطینی پناہ گزین(یو این آر ڈبلیو اے) لاکھوں فلسطینی پناہ گزینوں کیحالات بہتربنانے کے ساتھ ساتھ علاقائی سلامتی اوراستحکام کوبرقراررکھنے کیلیے لیے اہم کردار ادا کرتا ہے۔
