واشنگٹن: امریکی سینیٹ میں صدر ڈونالڈ ٹرمپ کی انتظامیہ کی حمایت یافتہ اس ڈیل کو روکنے کی کوشش ناکام ہو گئی جس کے تحت متحدہ عرب امارات کو دنیا کے جدید ترین ایف-35لڑاکا طیارے اور اسی طرح
Reaper
ڈرون طیارے فروخت کیے جانے ہیں۔اس حوالے سے سینیٹ میں پیش کیے گئے دونوں قوانین کے مسودے مطلوبہ سادہ اکثریت بھی حاصل نہیں کر سکے۔ واضح رہے کہ سینیٹ میں ریپبلکن پارٹی کو اکثریت حاصل ہے۔ڈرون طیاروں کی ڈیل کے حق میں 50 جب کہ مخالفت میں 46 ووٹ آئے۔امریکی سینیٹ میں ریپبلکن پارٹی کے لیڈر مِچ میکونل نے منگل کے روز ایک بیان میں ارکان سینیٹ پر زور دیا تھا کہ وہ اس قانون کے مسودے کے خلاف ووٹ دیں جس میں صدر ٹرمپ کو متحدہ عرب امارات کو 23 ارب ڈالر کا اسلحہ فروخت کرنے سے روکے جانے کی کوشش کی جا رہی ہے۔
