واشنگٹن : امریکہ نے متحدہ عرب امارات کو 23 ارب ڈالر سے زیادہ کا جدید دفاعی سامان فروخت کرنے کی منظوری دی ہے۔ امریکی وزیرخارجہ مائیک پومپیو نے کل اس بات کی تصدیق کی ہے کہ امریکہ نے 23.37 ارب ڈالر کے پیکیج کے تحت یو اے ای کو جدید ترین جنگی جہاز ایف 35 فروخت کرنے کا منصوبہ بنایا ہے۔عرب نیوز کے مطابق پومپیو نے کہا کہ ابراہم معاہدے کے تحت اسرائیل کیساتھ تعلقات کو معمول پر لانے کیلئے امارات کے تاریخی معاہدے سے خطے کے سٹریٹیجک منظر کو مثبت طور پر تبدیل کرنے کا موقع فراہم کرتی ہے۔ پچاس ایف 35 لائٹنگ II طیاروں کیساتھ اٹھارہ ایم کیو- 9 بی بغیر پائلٹ ایریل سسٹم، فضا سے فضا اور فضا سے زمین پر استعمال ہونے والے جنگی سامان کا پیکیج شامل ہے۔
