تل ابیب : اسرائیلی وزیر اعظم بنجامن نتن یاہو نے جمعرات کو کہا ہیکہ متحدہ عرب امارات کو ’ایف 35 ‘جنگی طیاروں کی فروخت پر واشنگٹن کی جانب سے عارضی تعطل سے امارات اور اسرائیل کے درمیان تعلقات پر کوئی اثر نہیں پڑے گا۔ ان کا کہنا تھا کہ امارات کیساتھ ہمارے تعلقات اس مقام پر پہنچ چکے ہیں جہاں سے واپسی نا ممکن ہے۔اسرائیلی وزیر اعظم نے اس بات کی تصدیق کی کہ متحدہ عرب امارات کے ساتھ معاہدہ ’پوائنٹ آف نو ریٹرن‘ پر پہنچ چکا ہے۔متحدہ عرب امارات اور اسرائیل نے اگست 2020ء میں دو طرفہ تعلقات معمول پر لانے پر اتفاق کیا تھا۔
